No módulo de Expresión e Comunicación do Ciclo Superior de Educación Infantil, os alumnos realizaron unha manualidade sobre o Magosto.

O magosto é unha celebración tradicional galega que se celebra no outono, especialmente no mes de novembro, coincidindo coa recollida de castañas, o protagonista principal. Nesta festividade, as castañas ásanse en lumeiradas ó aire libre e acompáñanse de música, xogos, creando un ambiente de convivencia comunitaria. En Galicia, o magosto tamén simboliza unha conexión coas tradicións ancestrais, a relación coa terra e o agradecimento pola colleita, unindo xeracións e reforzando a identidade cultural galega.